03/08/2006
Klubb: Festidalen
Hvor: Uskedalen i Kvinnherad
Startet i: 2003
Konserter per år: Festival over 2 dager
Festidalen starta, ikkje utypisk, som ei venners vennersfest. Tre band blei spurt om å spele, og 350 venner tok vegen. 100 kroner i døra gjekk til å dekke lyd og lys. Festen blei ein suksess, og det hagla med positive tilbakemeldinger. Dermed blei arrangørelden tent i vennegjengen, og ganske snart var det stifta eigen organisasjon med styre og stell. Sia har festivalen rulla og gått. norskrockforbund.no tok ein prat med Leif Ove Mikkelsen i Festidalen for å få ein situasjonsrapport.
Det nærmer seg festidal, Leif Ove. Er de i rute?
- Me er i rute. Me fekk opp scenen og dei fleste telta i går.
I dag har me fått på plass dasser og pissoarer. Fredags
morgon begynner me å rigge lyd og lys, og så kjem dei
første banda kl. 14:00. Det skal faktisk vere mulig å fylgje
utviklinga på festidalområdet på nettsida vår. Me har
fått lagt opp breiband, og skal ha ein bildeblogg gåande
i dagane framover.
Det er mykje festivaler i Kvinnherad. Vi nevner kort
Rosendal Musikkfestival, Klosterdagane, HusnesRock, Rosendal
Mat og Kunstfestival og Fjellstreif. Får de solgt billettane
midt oppi alt dette?
- Me sjekka forhåndssalget for to dagar sia, og då hadde me solgt
130 pass. Det er me veldig godt fornøgde med. Me
har tradisjonelt hatt alt forhåndssalget dei siste par
dagane når værmeldinga begynner å bli klar. Me har plass til
opp mot 2 000 mennesker, men går i null på rundt 600
billetter. Det ringer folk frå heile landet, så interessa
er det ingen ting så seie på.
Vêrmeldinga ser foreløpig veldig bra ut. 24 grader og delvis
skya. Perfekt festivalvêr, det. Men det hadde dei på
nabofestivalen HusnesRock forrige helg også, og der var
oppmøtet heller dårlig. Du er ikkje redd for at Festidalen skal
lide samme sjebne?
- Nei, me har litt rimelegare billetter. Dessuten er
festivalen vår utandørs, i svært naturskjønne omgivelser. Me
har ei veldig fin ramme rundt arrangementet. Og ikkje
minst; me har eit veldig godt program. Me har plukka artister
i frå øverste hylle, og takka nei til pakkeløysningane
fra agentane. Det er mykje dei same artistane som går igjen
over alt for tida. Me vil heller plukke sjøl og lage noko
som er litt meir spesielt og særprega.
OK, fortell litt meir om programmet då.
- Paul DiAnno er vel headliner. Me er ihuga Iron Maiden-fans, og
liker særlig godt dei første platene. Han blir backa
av Audrey Horne, som óg skal spele eit sett åleine. Me er
veldig glad i metal her, men det er bra bredde i programmet,
altså. William Hut er med, og han ligg jo definitivt i
den roligare leia. Veldig vakkert! Tuco's Lounge
har tilknytning til Kvinnherad, og det trekker folk herfrå.
Vokalisten sit faktisk i styret vårt.
Aha..!! Litt innavl her, altså?
- Haha.. Nei, dei er meir enn gode nok til å få spele her
uten å ha nokon formell link til festivalen.
Korleis er forholdet til lokalsamfunnet forøvrig? Er det noko
hjelp å få?
- Ja, her er ei formidabel dugnadsånd. Me har over 100 frivillige
som bidrar til å lage Festidalen. Stort sett alt av
utstyr får me låne gratis av det lokale næringslivet. Me
låner stilaser til lyd- og lysbu av det lokale skipsverftet.
Inngjerdinga av området har me fått låne av eit
bygningsfirma. Scenen låner me av aluminiumsverket på
Husnes. Dei har ei som dei bruker til selskap og slikt,
og er heilt kurrant til vårt bruk. Bøndene stiller med
traktorer til lasting og lossing av utstyr. Is til
kjøling av mat og drikke kjem fra ei fiskefordelingsbedrift.
Slik fortsett det.
Eg ser at de har eit samarbeid med Rustelefonen? Er folk
ekstra tørste borti Uskedalen?
- Nei, Rustelefonen tok kontakt med oss og lurte på om dei kunne
få dele ut noko informasjonsmateriell. Dette er
ikkje noko sånn moraliserande greie. Det er ei rein
opplysningstjeneste. Me har samarbeida med dei og med Trygg
Trafikk heile veien. Det er to organisasjoner som me
støtter. Og for alle del: Me har ølservering.
Korleis er det med ambisjonane framover, då?
- Vår viktigste ambisjon er å gje publikummet vårt
musikkopplevelser som dei ikkje kan få ellers. Det ikkje noko
mål i seg sjøl for oss å vekse. Me skal først og fremt
lage ein god festidal. Stratgien er å legge stein på stein, og
så ser me kor det ender. Me skal være den beste
festivalen i Sunnhordaland, og det meiner me vel egentlig at
me er allerede!
-Trond Bjørknes
Med "Ukas medlem" ønsker vi å synliggjøre de ulike medlemsklubbene i Norsk Rockforbund som spenner fra små og store festivaler, studentsamfunn, blues- og rockeklubber til rockeverksted. Til sammen arrangerer medlemmene i Norsk Rockforbund rundt 2500 konserter årlig, og vi ønsker her å fokusere på arbeidet som gjøres for å gi publikum gode konsertopplevelser.